Кицаш
Даькъазчоа даьцӀагӀара а енай сагото.
Хьаьша ца везар, Далла а ма везалва.
Ше бувш, дахко а техай царг.
Царгаш йоацаш борз хиннаяц, шелал йоацаш Iа х...
Дас хестаяь говр хьалхаяьннаяц.
Ши сесаг йолча сага, жӀалеш дийзадац.
Байташ
Боарха Iасилг
Боарха Iасилг,
Даггара Iехаш, уд.
Боарха Iасилг,
Хоза Iасилг
ДоттагIа
Нагахьа хьога бала кхоаче,
Бала бекъар доттагIа ва.
Нагахьа хьога хало кхоаче,
Дакъа лоацар доттагIа ва.
Бек
- ИббӀали,
са къали! -
яхаш, век
Яхе Бек.
Ланаш
Ше кӀант волчо
ланаш лоахк,
кӀант воацачо
ланаш дохк.
Iад
Ӏад деш вагIа Ӏади.
Ӏади ва са дади.
- Ӏади, из Ӏад са дий?
- Хьа да, - йистхул Ӏади.
Бераш, Iа дена, гIаддахад
КIайча гув тIа хьалтIадувлаш,
Бераш заггIе дел.
ГIаддахад уж, Iа хьадоагIаш,
Iай цар самукъадоал.
Алапат
Алапашца вай дешаш хотт.
Дешашца Ӏомабу вай мотт.
Ховргдолаш вайна язде, деша,
Алапат Ӏомадар вайна эш.
Бургац
- Бур гой хьона?
- Бу гу, бур гац.
- Хьона эшац
тӀаккха бургац!