Мишта ваха веза,

мишта лела веза,

дезаш хилча дукха

лоам тӏа дагӏа зиза?

Селасат – Села Сатий оалхазар.

Селхан сона селасата оаз хезар.

Тахан сона селасат ше бӏаргадайра,

куца, беса, бедара из миштад хайра.

Доллел, цици,

ГIо вай ара;

Кхы саг воацаш 

Воаш шиъ мара.

Ядалахь, ядалахь тотакх,

Хьо е, лаца воагIа тентакх!

БIарг ма  кхоачча шаьра аре,

Акха котам, акха котам, -

Мангал санна дола цIог;

Хьо Iохайна ягIа кIотар,

Малх кхийтача санна, йоаг.

Къоракхокха, къоракхокха,

ХIана багIа хьо сел лакха?

Берех кхер хьо? Сох ма кхера!

Тохаргбац аз хьона кхера.

Малав  сийрда малх чубита,

Шерра дийллар ӏилман кор?

Хьалха ца тетташ, суртанча вита,

Дага ца лувцаш, вита лор!

Ховргдоацача ма делахь доккха гӏулакх,

Ӏа даьча гӏулакхо вергва хьо хӏалак.

Ӏовдалга ма ала, хьо ӏовдала ва,

Хье эгӏавича санна хетийтаргда!

Ды бе ма гӏерта вирах,

Лелийта вир варий ларах,

Нагахьа хьо гӏорте вирах бе ды;

Дехад хьа гӏоарал, дайнад хьа ди.

Къона волаш, уйлаш къона хул, 

Дег чура яьле, дегӏацара дӏатулл.

Ахьми ва аз

Вувцар.

Дезаш дий шо

Вовзар?

Дика хул 

Беррига ноаной:

Къонабараш

Е къоаной.