Кицаш
Наьха кий яьккхача, хьай кий тӀаьн кӏалха йолла.
Низ болча хьакхо наькъа юккъера ӀаӀа баьккхаб.
ЦӀаьхха шурах йиза бӀийг ловзаийккхай.
Лерга хаззал хоаставича, бӀарга хоаваллал вогӀ хул саг.
МагӀа баьрче агеи эгӀа баьрче Ӏасеи ма эшалда.
Бале а, беце а бӀийга думи беза.
Ши пхьор даа венна Къец, цхьаккха а доацаш висав.
Во дӀаарадаьлча, дика чуденадац.
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар доацаш а ма гӀо.
Шийна тӀера вир-говр дайнадац, наха тӀера хенжа-меза байнаб.
ТӀехьашка хьеже мара дош ма ала, хьалхашка хьаже мара ког ма ловза.
Барзкъанга хьежже магӀаваккха, кертага хьежже эгӀаваккха.
Хьа гийг езачоа, хьо а веза.