Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Лакхача хена мух ийшабац, дикача сагах алар ийшадац.
Га дика я, сом латаш яле; саг дика ва, гIулакхаца вале.
Цхьан сага ши вахар деннадац.
ЦIи яьлча кIур боал, тувлавелча гIалат доал.
Моаршал дувхарга хьежжа хатта, накъа хьаькъалга хьежжа ваккха.
Саг везвер цун цӀи яц, цӀи езъер из саг ва.
Саг дика вовз, Ӏа цунца дукха сискал йиаяле.
ЦӀенавар цӀеро а воагавуц, бӀехавар хиво а цӀенвуц.
Зизашта аре еза, адамашта паргӀато еза.
Саг ала атта да, саг хила хала да.
Дукха хьаьший ихача коа буц яьннаяц.