Кицаш
Воча дешах мотт лорабе, къоалах кулг лораде.
Дукха вахар — дуне дика довзар.
Чубеллар - низ, гибеллар - мухь.
Сихало са диад, сабаро лоам баьккхаб.
Ший цӀагӀа - хьаьша, наьха цӀагӀа - фусам-да.
Га дика я, сом латаш яле — саг дика ва, гӀула...
Байташ
Алкхашкаш
Алкхашкаш
яьхкай кхашка.
Алкхашкаш
ягIа коашка.
Готахьазилг
Готахьазилг, готахьазилг,
Гота аха, готахьазилг;
Макха баха, готахьазилг;
Ялат дIаде, готахьазилг!
Мишта?..
- Мишта хила,
Веза аьла? -
Хетташ ва тха,
3Iамига Iаьла.
Мух
Мух шортта,
НаIарах арабаьлар.
Корах пIелг а теха,
Тхов тIагIолла бедар.
Дахкилг
Дахко дахкилгага аьннад:
«Нанай циск-м сомадаьннад».
Амма дахкилг ловзаш лел,
Цунга хьежаш циск а дел.
СелаIад
ДогIа дийлха малх арабаьлча,
Гучаэккх сиха селаIад.
Айламе цо къоагайича,
Гаьнара лепаш, вуг гIад.
Мустагударг
Хий техача мустагударга
тӀера хий Ӏоух.
Мустъеннача муста гударгах
Миста хьаж хьаух.
ЗIамига йоачан
ТӀехйоалаш, морхо
догӀа легаду-
хьекхача михо
дотув дегаду.
Шолжа йисте
Шерача шув тӀа
дажаш доахк шерч,
Шолжа шаршалла
шоршалаш шерш.
Базии БIазии
Йижа, Бази; вижа, БӀази,
йоагӀа шоана бирса бози,
бозена тӀехьа кӀаза я,
кӀазилга хачи боза я!
БIаьстан Iалам
БIаьсти яьннай, маьлхо хьесташ,
Зизаш дагIа баьца тIа кхесташ.
Лаьтта дIохалуш, Iи хьалъух;
ДогIо, делхаш, ший пурх тох.
Лоамашкара доагIаш
Лоамашка лийнна
БIарччача денна;
Тхо гаргакхаьчад,
Iеш долча цIенна.