Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
Газа - хьехархочоа
Шортта ахча а денна, ший воI университете деша хоаваьв Бексолтас. Дешарах дукха кхеташ цахиларах кIезиг-дукха совгIаташ кхухьаш хиннад хьехархошта, из эккхавар кхераш.
АргIа кхаьчача, кач муш теха, газа ийца водаш хиннав Бексолта, хьехархо волча.
Духьала нийсвеннав, арахьара тIавоагIа цхьа хьаьша. Из хиннав газеи устагIеи
къоастаде ца ховш.
Цо аьннад Бексолтага:
- Мича бугаш ба хьа из устагIа?
- Ер устагIа бац, ер газа я, устагIа цига ба, университете дешаш, - аьннад Бексолтас.