Кицаш

Сиха даха хий фордах кхийттадац.

Везар велча, велхар даьннад.

БоргIалах Iаха енна котам яьттIай.

Кхийрачох турпал хиннавац.

ЦIи ца йийзача, кIур ихабац.

Дошлорг

ОагIой бутт (ба) - декабрь.
Седкъий дагардер (ва) - звездочёт.
Баскилг (да) - кузнечик.
Хамхе (я) - горное село Хамхи.
Тирк (да) - река Терек.

Хьоашаланаькъан Iаьла

йоазонхо

Дувцар

«Цадешар – таIазар...»

- Таханара вай вIашагIкхетар хетадаь хургда дешарах долча кицашта, - аьннад хьехархочо. Хьанна хов хьаькъал, дешар дувцаш дола кицаш?

- Сона хов, - кулг айдаьд Полас.

- Алал.

- «Дешар – сердало, цадешар – боадо».

- Сона а хов, - йистхиннав Яни.

- Алал Iа а.

- «Дешар - сердало, цадешар - таIазар», - яьхад даьна дукха деза кица     дагадехача кIаьнка.