Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
«ЙIаьхагIа оттаел из...»
- Бераш, - аьннад хьехархочо, - тахан вай шуца Iомадир предоложене тайпаш. Дийцар чIоагIдеш, массехк предложени оттаел шоай дагахьа.
- Аз оттаяьй, - аьннад Яне.
- Хьаювцал, - кIаьнкага ладувгIа кийчвеннав хьехархо.
- Тха классе дукха бераш да.
- КIеззига йIаьхагIа оттаел из.
- Тха классе дукха, дукха, дукха бераш да, - аьннад дешархочо.