ХьатIакхоачаш латташ хиннад керда шу. Чуенача  хьехархочо  Дабе  Сахрата улга тIа хьалтехад малх хьежаш, йокъал латтача дийнахьа лоамашка лелача ГIордаде сурт. ТIаккха аьннад:

- Бераш, тахан вай дувцаргда кердача шерах а ГIордадех а лаьца. Шоана гуш долча сурта тIа ва вайна дика вовзаш вола  дади. Цун бе доалл совгIатий гали, вокх бе йоаллаш гу вайна йоккха Iаса. ХIаьта а цхьа хIама эшаш санна хеталу воккхача сага, цу кхохкаденнача дийнахьа. Хьан аргдар, фу деза лоамашка вена лелача къоаночоа?

Махьте кулг айдаьд.

- Алал Махьти, фу деза цунна?

- Корсам еза, гонахьа кхесташ бераш а долаш.

- Нийса да, - могаваьв хьехархочо кIаьнк.

Кулг айдаь вагIаш хиннав Ини а. 

- ХIанз Инега ладувгIаргда вай, - дешархочоа тIаенай Дабе Сахрат.

- Лоа деза цунна, из ца хилча воахалуц ГIордади.

- Из а харцахьа дац, - чIоагIдаьд  хьехархочо.

Юххера а кулг айдаьд Яне а.

- Хьона фу хет цох, Яни, фу деза эггара чIоагIагIа ГIордадена? – дешархочунга ладувгIа кийчъеннай из.

- ГIорнани еза, - яьхад Яне, ше аьнначох вIалла шек воацаш.