Кицаш
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар до
Шийна тӀера вир-говр дайнадац, наха тӀера хенжа-меза байнаб.
Дувцар
«Гобаьккха карт хилча...»
Наьха коа багIа Iаж байна, цох чам баккха лайнад Инена. Гобаьккха лакха карт хиларах, коанаIарах чувала лаьрхIад цо, сом баккхар духьа. Тебаш-лечкъаш коа гIолла воагIача кIаьнках бIаргкхийтта фусам-да хьакхайкав:
- Фу леладу Iа? Гаьна водий хьо? – аьнна.
Дагалаттар кхоачаш хила гаьна долга кхетадаьча Ине яьхад:
- Гаьна мишта гIоргва со, гобаьккха карт хилча?!