Кицаш
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар до
Шийна тӀера вир-говр дайнадац, наха тӀера хенжа-меза байнаб.
Дувцар
Ваь ди дездар
Хьоашал ваха волаш, цхьа йоазонхо тIанийсвеннав; Бексолта ваь ди дездеш, беррига дезал вашагIкхийтта багIача метте.
Цигга, ше хи пела айдаь мала велча, аьннад цо: «Аз дIамелар ер пела, укх Бексолта хьамара, могаш хилва хьо, вахалва бIаь шера».
Бексолтас баркал оал йоазонхочоа, иштта хоза, дIайха дешаш аьннача, цхьабакъда Бексолтас йоах: «Са бIаь шу даьннад итт шу хьалха».