Кицаш

Хац, дац - цхьа дош; хайра, дайра - эзар дош.

Туро цаӀ мара вийнавац, метто эзар вийнав.

Лохига саг дегала хул.

Виза вар аьле, кхача боацаш а ма гӀо; йийкха яр аьле, кхоллар до

Шийна тӀера вир-говр дайнадац, наха тӀера хенжа-меза байнаб.

Дошлорг

ОагIой бутт (ба) - декабрь.
Седкъий дагардер (ва) - звездочёт.
Баскилг (да) - кузнечик.
Хамхе (я) - горное село Хамхи.
Тирк (да) - река Терек.

Iарчакханаькъан Сали

йоазонхо

Дувцар

БIехалаш

- Воти, - йоах Аслана, - бIехалаш довзий хьона?

- Цхьадараш довз, - оал аз.

- Эггара унзарагIа малагIа ба царех?

- Стрела яхар ба-кха.

- Из миштаб?

- Гаьннара хьатоссабеле, стрела санна дегах чакхбоал из, - бIарахьож со кIаьнка, айса дувцачох цунна фу хийтар ха ловш.

- Из чакхбаргбоацаш, фу де деза?

- Дог долчча кхера IотIабилла беза. Цу кхерах кхийтта, баттIаргба из.

- Боккъонца яхий Iа?

- Ха-ха-ха. Хац сона-м, бераша иштта  дувц-кха из.

- Бераша-м шоашта цаховр а дукха дувцар, - оал Аслана.