Кицаш

Хац, дац - цхьа дош; хайра, дайра - эзар дош.

Туро цаӀ мара вийнавац, метто эзар вийнав.

Лохига саг дегала хул.

Виза вар аьле, кхача боацаш а ма гӀо; йийкха яр аьле, кхоллар до

Шийна тӀера вир-говр дайнадац, наха тӀера хенжа-меза байнаб.

Дошлорг

ОагIой бутт (ба) - декабрь.
Седкъий дагардер (ва) - звездочёт.
Баскилг (да) - кузнечик.
Хамхе (я) - горное село Хамхи.
Тирк (да) - река Терек.

Кхоартой Марет

йоазонхо

Дувцар

Юкъара бер

Бийсан зIамига бер, сомадаьнна, делха доладеннад.

− Ой, дIасоцаде из, – йоах Бексолтас сесагага.

− Аз хIана соцаду из? Со я из массайолча хана соцаде дезар? Из ах хьа а ма дий.

− Мегаргда, – йоах Бексолтас,  – хIаьта Iа хIанз хьай ах дIасоцаде, аз тIаккха фухха даь цаI дергда.