Кицаш

Саг болатал чIоагIагIа вале а, зизал бочагIа ва.

Иман дар ва ираз дар.

Визза къонах овлияэл лакхагIа лаьрхIав Дала.

Везачоа далар а ийшадац, цавезачох алар а ийшадац.

Гаьнашта лакхе «шорх» латт, гаьнашта лохе тем латт.

Дошлорг

Ахьар (да) - помол
Аьла (ва) - князь
Гахьар (да) - узор
Иман (да) - высокая моральная чистота
Лаьлиг (я) - снегурочка

Iарчакханаькъан Сали

йоазонхо

Дувцар

«Чай диад-кх...»

Хьехархочо улга тIа вахийтав Яни.  Iомадаьр хьадувца эттача, кIаьнка оаз геттара эсала хиннай.

- ХIама диадеций Iа тахан? - тIачайхав раьза воаца хьехархо.

- Диад.

- Фу диад Iа?

- Чай диад-кх, - яьхад Яне.