Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
КӀоанолг
ЧIиркхи ломи
Лома тIа а ена, цIогIа техад чIиркхо:
- Со кхерац хьох, зиртилг миссел сол чIоагIагIа дац хьо! ДIауйла ел Iайха, сенца ба из хьа низ? МIараш еттарцеи царгаш еттарцеи? Из-м маьрах лета Iемача моллагIча сесага а ховш ма дий. Даьра, я со хьол дуккха чIоагIагIа! Хьо раьза дале, латарца хьожаргда вай совле хьан йоаккх!
Ший йишмаIаш еш, тIакхийттай чIиркх лома, мосаш йоацача моттиге мераIургах юв тохаш. Цо лозадаь лом, шийх каетта доладеннад ирача мIарашца, ше бокъонца денна дIадаллалца. Лом эшадаь чIиркх, гIетта урагIъяхай, коталон илли доахаш. Цу ханна духьала нийсденнача мазаша дIалаьцай из. Ше цар йийхка леш латташе а, латкъаш хиннай чIиркх, дунен тIа эггара чIоагIагIа вола моастагIа эшаваьчул тIехьагIа, хурдийяьннача гизга мазаша ше ер ла ца могаш.
КIоанолг хетаяь я, шийл тIехвар эшаваьвале а, шийл эсалагIчунгара ийшачунна.