Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
ЗIамига ва со
- Фу оамал я из хьаяр, - йоах нане, - даиман мецлуш яр?
- Са оамал яц из, нани, са мецлуш йолча гийга оамал я из. Со бехке мичав, гийг мецлора яхаш. Цо саца-м тигац, ше мецъелча.
- Яа хIама хьая, яхаш, моцалла а хьогалла а сатохалуш веце, фу къонах ва хьо? – йоах нане.
- Къонах вац со, зIамига кIаьнк ва со. Къонах хилча, сатоха мег аз, - йоах кIаьнка.