Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
Наьн-нана
Наьн-нанас, харцахьа ма лела, аьнна, ше човхайича, елха а елхаш, Азас йоах:
- Аз тхоай бабайга дIааргда хьа, со цIаяхача, Iа сайна йийттай аьнна.
- Ай, со хьа еций? - йоах йоккхача сага.
- Яц, - йоах Азас, - хьо са яларе, Iа со, чувха а ца еш, ловзийтаргьяр.
Шийна ахча а денна хьаьстача:
- Хьо-м са хиннай, - аьле, мархIа а елле, хьоаст Азас ший наьн-нана.