Кицаш

Моаршал дувхарга хьежжа хатта, накъа хьаькъалга хьежжа ваккха.

Саг везвер цун цӀи яц, цӀи езъер из саг ва.

Саг дика вовз, Ӏа цунца дукха сискал йиаяле.

ЦӀенавар цӀеро а воагавуц, бӀехавар хиво а цӀенвуц.

Зизашта аре еза, адамашта паргӀато еза.

Дошлорг

Шедолг (я) - свирель
Чайтоанг (я) - медвежонок
Неш (я) - подруга
ЦIокъ (да) - тигр
Тума (да) - десять рублей, червонец

Хамхой Дауд

йоазонхо

Дувцар

Хоза вий со?

- Нани, хоза вий со? - хетт даь-нанага Iийсас. 

- Хоза веце а, нахал ийрчагIа-м вац, - йоах нане. 

- Тха классерча йиIига сога фу аьлар хой хьона, нани? БIагIара бодж я хьо, Iийса, аьлар. 

- Маца аьлар цо из?

- Аз чоалког техачул тIехьагIа аьлар цо из. 

- Бехк бац, тIаккха-м моллагIчо а аргда из, - йоах нане.