Кицаш
Моаршал дувхарга хьежжа хатта, накъа хьаькъалга хьежжа ваккха.
Саг везвер цун цӀи яц, цӀи езъер из саг ва.
Саг дика вовз, Ӏа цунца дукха сискал йиаяле.
ЦӀенавар цӀеро а воагавуц, бӀехавар хиво а цӀенвуц.
Зизашта аре еза, адамашта паргӀато еза.
Дувцар
Хой хьона?
- Тха классерча йиIига сога фу аьлар хой хьона?
- Хац сона-м, сона сенах хов из? - йоах нане.
- ЖIале баге я из хьаяр, Аза, аьлар. Фу баге я из, жIале баге яхар?
- Из, даьра, я йоагIача а, ца йоагIача а, шийна тIадоацар дувцаш, саца цаховш, массахана лееш яр, - йоах нане.
- Даьра, кхы-м еттаргьяц хьона аз баге дукха, кхы аргдац сога цхьанне а жIале баге я, аьнна, - йоах Азас. - КIорда-м баьб ераш, гIалаташ лехаш.