Кицаш
Хьакхан даьтта хьакхан маьчена хьакха
Шийга ца кхоачача лувр, кхоачача ле ма вахалва.
Чубеллар - низ, гибеллар - мухь.
Дилло воагавича, хина «фув» яьхад.
Кхачанна Ӏаж эца, чама кхор эца.
Мотт беце, къам а дац
Зокх
Лакхе латта дош Iодийшача, цхьаволча сага ала тарлу:
- Ер сенна яздаьд укхо, дерригача дошлоргаш тIа долаш а довзаш а хилча.
Нийса йоах цо, довзаш дош да, амма яз харцахьа ду. Iа гIалгIачунга оале:
- ДIаалал зокх яха дош, - цо зокх аргдац, зоакх аргда. Масала, боккхача наха каст-каста оалаш хул «Зоакх болаш саг ва хьо-м». МалагIа гIалат да, хьан бехках хиннад из? Эггара хьалха цу гIулакха бехке ба дошлоргий автораш, цар харцахьа юкъедихьад из шоай балхашта. ХIаьта даьча гIалатах дувце, цу дешаца дифтонг оа хила дезар. Из дIадех гIалгIай меттала лелаш йолча, дифтонг яздара бокъоно. Цо йоах, дош дIаоалача хана хьа мел хозача моттиге Iоязде деза дифтонг оа, диъ дешагара дIа мел ийккхарашка. Доккха, воккха, боккха, йоккха яха дешаш дифтонг доацаш язде деза, духхьал цхьа о долаш.
Зоакх яхача дешаца из хьахозаш хилча, Iоязде деза из, ца яздойя гIалат лархIа йиш я цох.