Зевса саг хьакхеллав, бакъда ваха кIезига ха къоастаяьй цунна. ХIаьта а цхьацца хIама кхоллара говза волча сага, шелал гаргагIертача  шийна  цIа даьд, ший ха цу чу йоаккхаргйолаш.  Сатоха хала долаш шелал хиннай эттар, цу юкъегIолла IотIаделхаш догIа а хиннад; из къемат ла ца могаш, говр саг волча енай, шийна хьулаяла моттиг лехаш. Саг раьза хиннав из чуйита, нагахьа санна цо шийна совгIата ший вахара цхьа дакъилг лойя; говро тIаийцад цун дехар. Цхьа зама яьлча, бугIа а енай, хаоттама Iазап ла ца могаш; из  а чуйита лаьрхIад сага, нагахьа санна цо ший вахарцара массехк шу лойя, бIугIо  ший шераш дIа  а денна, сага чуйитай из. Юххера а, жIали денад саг волча дехарийга, из а ший вахарах цхьа дакъа дIадала дезача эттад, сага ше чудутарг. Цудухьа нийслуш хIама да, Зевса денна шераш чакхдаллалца саг вах беркат кхоллаш, бакъдолчун охло волаш; говро денна шераш хьатIакхаьчача, геттара сонталаши куралаши е волалу; бугIо деннача шерашка ваьлча, къахьега а айлаюкъе лела а волалу; аргIа жIале деннача шерашка кхаьчача, дерригача дуненна раьза воацаш а эгIазъухаш а хул.

 Ер кIоанолг йоагIаш я, къоаналгахьа лестача во а хала а оамалаш хулача сага.