ЦIагIа мел болча боккхийча наьха, чIоагIа боча яр Марем, кхоалагIа яь йиIиг яле а, вIалла бер доацача йича санна ше езийта ховра цунна. ДоккхагIа дола бераш, берий беша ухаш чIоагIа сатувсар цо, сихагIа йоккха хила, царца цхьана цига аха. Сихха хьакхаьчар Марема сатийса ха. Аха йолаелар берий беша. Дукха раьза яцар из цу гIулакха. Ма тов ара ловза йиш яцар, чам болча хана шун тIа латташ даар дацар. Безам бале а беце а делкъа хана Iовижа везар. Шийна ма тов лийннача Марема вахар хIанз боарамах дар. Цу гIулакха дукха раьза йолаш Марем яцар. Цхьан дийнахьа балхара чувоагIаш латтача даь-дас Илеза аьлар Маремага: «Дала йоахае хьо, дадай йоI, мича яхаяр хьо со а вита? Дада чIоагIа велха ма вийлхаварий хьо цIагIа йоацаш»? 

- Даьра, дада, хьо велха а веш, со цига кхы юхагIоргъя аьлча бакъ-м дац! - йоахар цу гIулакха раьза хиннача зIамигача Марема. Геттара цу берий беша ахара бала шийна тIерабаьлча санна гIад а яха.