Кицаш
Даькъазчоа даьцӀагӀара а енай сагото.
Хьаьша ца везар, Далла а ма везалва.
Ше бувш, дахко а техай царг.
Царгаш йоацаш борз хиннаяц, шелал йоацаш Iа хиннадац.
Дас хестаяь говр хьалхаяьннаяц.
КӀоанолг
Къайги жIалии
Къайго Афинайна тIера сагIа деча дийха хиннад жIали.
- Сенна ду Iа хьайна пайда боаца зе? Из даьла хьо вIалла лоархIаш мичай, кхыметтел хьа дуIаш а дIаэцац цо, царех дукха ца тешаш, - аьннад вокхо.
ХIаьта къайго жоп деннад:
- Се цунна гоама йолга ховшше ду аз-м сагIа, кIеззига цунгара къахетам хиларга сатувсаш.
Цох тарра цхьабола нах а шоай моастагIашта товр де гIерташ хул, цар диканга догдоахаш.