Кицаш
Наьха кий яьккхача, хьай кий тӀаьн кӏалха йолла.
Низ болча хьакхо наькъа юккъера ӀаӀа баьккхаб.
ЦӀаьхха шурах йиза бӀийг ловзаийккхай.
Лерга хаззал хоаставича, бӀарга хоаваллал вогӀ хул саг.
МагӀа баьрче агеи эгӀа баьрче Ӏасеи ма эшалда.
КӀоанолг
Ахархои цун къонгаши
Цхьан ахархочун къонгаш даим шоайла гIерташ а бартаза а хиннаб. Дас дукхаза хьехар даь хиннад царна, шоайла тIера хилар дехаш, вокхар ладувгIаш хиннадац. ТIаккха царна масалца хьехам бала лаьрхIад ахархочо.
Къонгашкара саьргий хьоарчам бийхаб цо, хьабеча, дас хIаранега аьннад, Iокагдел уж саьргаш, дерригаш цхьана долаш. Мел гIертарах, мегадац къонгашта саьргаш кагде. Цул тIехьагIа, хьоарчам хьа а баьста, цхьацца саьрг дIакховдабаьб хIаранега. Уж геттара атта кагдаьд къонгаша, ловзара дагахьа болаш. ТIеххьара саьрг кагбаь баьлча, дас аьннад:
- Гой шоана, са фуртангаш, шоайла барт болаш шо хуле, цхьаннена могаргдац шо эшаде; нагахьа санна шоайла гIерташ шо хуле, моллагIчо а атта кагдергда шо. КIоанолго яхачох, ма чIоагIа да бартаца дер; ма заьлза да барт ца кхеташ леладер.