Хинкъайг юстара моттиг езаш, форда йисте дахаш оалхазар да. Дувцаш да, оалхазараш лувцача нахах лорадала гIерташ, цо ший бIы форда йистерча лоамаш тIа бехк, яхаш. Цкъа цу тайпарча оалхазаро, ший таьлми даккха ха гаргагIертача, цхьан хин йисте а даха, форда лакха берд хержаб, ший бIы болла дагахьа. Дукха  ца говш, даар лаха  дахад  из. Цу хана, чIоагIа мух а баьнна, форд  корзагIбаьннаб, цун лакха талгIеш  хинкъайга бIенага а кхаьчай, из хих бузаш. КIоригаш ерригаш ейнай. ЦIаеча, из сурт бIаргадайна хинкъайг, мухь теха, йийлхай:

- Ма даькъаза, миска оалхазар да-кх со! Лаьттарча кхерамах дедда, хи йисте хьуладеннадар со,  хIаьта из кхы а къизагIа хилар соца.

 Иштта хул наха юкъе а, наьхачарех лоралуш леллашехь, шийчар тийшаболх бу.