Циска гургал олларгба шоаш, аьнна; вӏашагӏкхийтта хиннад дехкий. Цар дийцад: «Вай дӏахо доахийтаргдолаш дац циско, вай цунна цхьа хӏама ца дойя. Фу дича бакъахьа да вай цунна, дагадовла вай, новкъостий!»

  Царна юкъе керте латтача, дош оалаш болча цхьан къаьнача дахко аьннад:

- Са цхьа дош дар цу гӏулакхах ала. Фуд аьлча, цу циска, из вай лувца тӏадоагӏача хана тата хьахозаргдолаш, гургал эллача бакъахьа хетар сона. 

Цу деша шеббар раьза хилар. Чӏоагӏдаь дӏатоадир, циска гургал дӏаолла, аьн-

на. Цул тӏехьагӏа цхьанне аьннад:

- Циска гургал дӏаоллар харжа веза вай.

  Царна юкъе цхьа чӏоагӏа гӏар йолаш болчо аьннад:

- Вайна юкъе из гургал могабаьр вахийтача фу дар-хьогӏ вай цига?

Гургал могабаьчо аьннад:

- Деррига аз деш хилча, шо фу деш да хӏаьта? Сона-м бакъахьа хет, хьо чӏоагӏа гӏар йолаш а ба, хьо бахийтача.

  Чӏоагӏа гӏар йолчо ше цу цисках кхераш хиларах тарра, цу ординга барт эгӏар дӏагучадоаккхаш, со-м гӏоргбац цига, аьннад.

  Дехкий, кхы барта ца доагӏаш, циско уж доадеш латт.

  Циггачара доагӏа «Барт ийгӏача берза ординг, барт болча циска ординго эшаяьй», яха гӏалгӏай халкъа кица.