Кицаш
Наьха кий яьккхача, хьай кий тӀаьн кӏалха йолла.
Низ болча хьакхо наькъа юккъера ӀаӀа баьккхаб.
ЦӀаьхха шурах йиза бӀийг ловзаийккхай.
Лерга хаззал хоаставича, бӀарга хоаваллал вогӀ хул саг.
МагӀа баьрче агеи эгӀа баьрче Ӏасеи ма эшалда.
КӀоанолг
ЖIалийи фусам-даи
Цхьан сага доалахьа хиннад мальтийски жIалиги вири. Цу жIалеца даим коа ловзаш хиннав фусам-да, делкъийна мук дуача хана. Даара чIегилгаш тувсаш хиннай цо жIалена. ТIакхийте уж дIа а кхаьхке, фусам-даьна хьесталуш хиннад вож. Цох хьегаш, юстаро Iеш дола вир а доладеннад фусам-даьца ловза. Вокхо, эгIазваха, гIадж етташ, эккхадайтад вир, цул тIехьагIа хьай тIа дIадехкийтад.
КIоанолго яхачох, Iаламо массадолча хIаманна цхьатарра еннаяц бокъонаш.