Кицаш
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар до
Шийна тӀера вир-говр дайнадац, наха тӀера хенжа-меза байнаб.
КӀоанолг
Ахархои кхели
Цхьан мужгечоа, гота воаллаш, лаьттах йоалла ганз кораяьй. Цох бекхам беш, Лаьттан тIа хIара дийнахьа зизай цхьацца кIорап дуллаш хиннад цо. Цигга тIаенача кхело-кхолламо аьннад:
- Воше, аз хьайна даьча совгIатах, баркал Лаьттанна хIана оал Iа? Со ма йий хьона из совгIат даьр, хьо хьал долаш хургволаш. Нагахьа санна гIулакх кхыча беса даларе-м, хье къе-миска воалларе-м сона тIалаткъаргвар хьо, кхела Iотбаккхараш еш.
КIоанолго хьалхадоаккх, шийна гIо даьр малав ховш, цунна хоастам беш а хьоасталуш а хила веза саг.