Кицаш
Саг болатал чIоагIагIа вале а, зизал бочагIа ва.
Иман дар ва ираз дар.
Визза къонах овлияэл лакхагIа лаьрхIав Дала.
Везачоа далар а ийшадац, цавезачох алар а ийшадац.
Гаьнашта лакхе «шорх» латт, гаьнашта лохе тем латт.
Дувцар
Кхал, маIа автобусаш
- Машин йоагӏа, машин йоагӏа! - цӏогӏа детт Миланас.
- Кхал я из е маӏа я? - хетт Ине.
- Машинаш кхал, маӏа хул?
- Хул, даьра. Сабар дел, со хьажийтал. Из маӏа я.
- Сенах хов хьона?
- Воти ва цу чу вагӏар. Вотобус я из.
- Машин йоагӏа! Машин йоагӏа, - йоах юха а Миланас.
- Миштай из? – хетт Ине.
- Кхал я-кх, - йоах йиӏига.
- Сенах хов хьона?
- Ани я цу чу ягӏар. Автобус я из.