Кицаш
Даькъазчоа даьцӀагӀара а енай сагото.
Хьаьша ца везар, Далла а ма везалва.
Ше бувш, дахко а техай царг.
Царгаш йоацаш борз хиннаяц, шелал йоацаш Iа хиннадац.
Дас хестаяь говр хьалхаяьннаяц.
Дувцар
Цхьатарра оазаш
Баге вӏашта ца юллаш, новкъостаца къамаьл деш хиннав Яни.
- Гӏар ма е цига, - пӏелг оагабаьб хьехархочо.
- Со вац из, ер ва из, - бехк шийца вагӏача новкъоста дӏатӏабиллаб кӏаьнка.
- Сона хьахозар-м хьа оаз я, - раьза воацача сага юхь яьй ӏилма хьехачо.
- Цхьатарра я тха оазаш, - яьхад, къарвала ца тугача Яне.