Кицаш

Хац, дац - цхьа дош; хайра, дайра - эзар дош.

Туро цаӀ мара вийнавац, метто эзар вийнав.

Лохига саг дегала хул.

Виза вар аьле, кхача боацаш а ма гӀо; йийкха яр аьле, кхоллар до

Шийна тӀера вир-говр дайнадац, наха тӀера хенжа-меза байнаб.

Дошлорг

ОагIой бутт (ба) - декабрь.
Седкъий дагардер (ва) - звездочёт.
Баскилг (да) - кузнечик.
Хамхе (я) - горное село Хамхи.
Тирк (да) - река Терек.

Iарчакханаькъан Сали

йоазонхо

Дувцар

Йоазон болх

- ХIа, дешархой, - аьннад классе чуваьннача хьехархочо, - сихха хьалъяха шолха листокаш. Уж хьерча ма елаш, йоазув хоза делаш, гIалаташ ма дувлийталаш.

- Обложкаш йохка езий цар тIа? – яьхад из дIахезача Яне.