Кицаш

Хац, дац - цхьа дош; хайра, дайра - эзар дош.

Туро цаӀ мара вийнавац, метто эзар вийнав.

Лохига саг дегала хул.

Виза вар аьле, кхача боацаш а ма гӀо; йийкха яр аьле, кхоллар до

Шийна тӀера вир-говр дайнадац, наха тӀера хенжа-меза байнаб.

Дошлорг

ОагIой бутт (ба) - декабрь.
Седкъий дагардер (ва) - звездочёт.
Баскилг (да) - кузнечик.
Хамхе (я) - горное село Хамхи.
Тирк (да) - река Терек.

Iарчакханаькъан Сали

йоазонхо

Дувцар

Дукхален таьрахь

ЦIердешай таьрахьаш Iомадеш  хиннаб  дешархой.

- Бераш, - аьннад хьехархочо, - масал доаладел сона  цхьоален таьрахьа.

- Аз аргда, - кулг айдаьд Яне.

- Алал.

- Дош. Из да цхьоален таьрахь. 

- Нийса да, - раьза хиннав хьехархо. – Дукхален таьрахь мишта хургда цун?

- Къамаьл  хургда-кх, - яьхад Яне.