Кицаш

Сиха даха хий фордах кхийттадац.

Везар велча, велхар даьннад.

БоргIалах Iаха енна котам яьттIай.

Кхийрачох турпал хиннавац.

ЦIи ца йийзача, кIур ихабац.

Дошлорг

ОагIой бутт (ба) - декабрь.
Седкъий дагардер (ва) - звездочёт.
Баскилг (да) - кузнечик.
Хамхе (я) - горное село Хамхи.
Тирк (да) - река Терек.

Коазой Нурдин

йоазонхо

Дувцар

Баскилг

Iуйранна, малх хьалбоаллашехь, сомадаьннад баскилг. Баь тIагIолла кхувсалуш лел из, баьцаш тIареи зизаш тIареи тхир Iолегадеш. Хоза хет баскилга кхувсалуш лелаш, тхирал лувчаш.

Цхьан моажолга тIа бижа илла ювмоза сомабаьккхар цо. ЦIогIа детт эгIазбахача ювмозо:

– Фуд Iа леладер, ва баскилг?! Со хIанз хьона дIакачбоагIе, ховргда хьона, баскилг, мел ира я са юв!

Баскилгá-м дIахазац цун цIогIа. Гаьна а даьнна, додаш да из, баь тIагIолла кхувса а луш.