Бийса я. Ши сеткъарг ягIа моажолга тIа, сигала урагI а хьежаш: дади-сеткъарги виIий-воI-сеткъарги. Еррига сигале хьалйиза цIераш я сигала къегаш.

– Дади, – йоах виIий-воIа-сеткъарго, – ма дуккха сеткъаргаш гулъеннай тховсара сигала!

– Сеткъаргаш яц уж, седкъий да, – йоах даде. – ЦIераш я уж сигала йоага. Царех цIи Iоежача, укхаза, лаьтта, хьахул керда сеткъарг.

Цу хана сигалара седкъа Iобежар.

– Дади, дади, – кхайк виIий-воI-сеткъарг, – бIаргабайрий хьона Iобежа седкъа?

– ХIанз керда сеткъарг хьахилар вай баь тIа, – йоах даде-сеткъарго.