Кицаш

Хац, дац - цхьа дош; хайра, дайра - эзар дош.

Туро цаӀ мара вийнавац, метто эзар вийнав.

Лохига саг дегала хул.

Виза вар аьле, кхача боацаш а ма гӀо; йийкха яр аьле, кхоллар до

Шийна тӀера вир-говр дайнадац, наха тӀера хенжа-меза байнаб.

Дошлорг

ОагIой бутт (ба) - декабрь.
Седкъий дагардер (ва) - звездочёт.
Баскилг (да) - кузнечик.
Хамхе (я) - горное село Хамхи.
Тирк (да) - река Терек.

Iарчакханаькъан Сали

йоазонхо

Дувцар

Математик

Мехкараша шийна тийнна йовлакхаш лоархIаш воалл кIаьнк.

- Амада,  йовлакхаш дукха  гулдаьдий Iа? – хет Яне.

- Гулдаьд.

- Пхиъ хургдий?

ДукхагIа хургда.

- Итт хургдий?

- Кхы а дукхагIа...

- Массад уж тIаккха?

- Кхоъ да, - яьхад Амадас.