Кицаш
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар до
Шийна тӀера вир-говр дайнадац, наха тӀера хенжа-меза байнаб.
Дувцар
«Хачеш ювхаш, хьа ма аха...»
Цхьа йиIиг ена хиннай ишколе, маIача наьха хачи йийха. Из бIаргаяйна директор тIехьа чуенай классе. Эккхаяьй цо йиIиг:
- Кхы сона бIарга ма яйталахь укхаза, хачи ювхаш. Шо доагIе, шоана а хургда из, - аьннад цо классага.
ШоллагIча дийнахьа, Ини цIагIа Iийнав.
- Деша хIана водац хьо? – хаьттад нанас.
- Хачеш ювхаш, хьа ма аха аьннад тхога, - яьхад Ине.