Кицаш
Хац, дац - цхьа дош; хайра, дайра - эзар дош.
Туро цаӀ мара вийнавац, метто эзар вийнав.
Лохига саг дегала хул.
Виза вар аьле, кхача боацаш а ма гӀо; йийкха яр аьле, кхоллар до
Шийна тӀера вир-говр дайнадац, наха тӀера хенжа-меза байнаб.
Дувцар
«Дохк доаллача хана...»
Ишколе баьхка хиннаб бIаргий лораш.
- БIаргса во долчо кулг айдел, - аьннад хьехархочо.
Эггара хьалха кулг урагIдахийтад Яне. Лораша, дIавига, алапашка хьажийтав, дIа-юха верзийтав, бIаргаш дика лелий хьожаш.
- Хьа бIаргса дика да. ХIама дика гу хьона, - аьннад лора.
- Ишта-м дика гора сона, дохк доаллача хана во гу мара, - яьхад Яне.