Чоапилг гIетташ лела баь тIа гIолла. БIарча денна хозаш да «жуж-жа».

КIордаяьй чоапилг массанена - мозашта, баскилгашта, гизгашта, зунгаташта, йилбазаговрашта, доадолгашта, кIормацашта, нIанашта, когахъухаргашта.

- Ва, чоапилг, - йоах цунга, - салаIа хьайна, тхога а салаIийта!

ХIама дIахозаш яц чоапилг, ший «жуж-жа» соцадеш яц. Хоза хет цунна баь тIа гIолла гIетташ лела. ХIаьта «жуж-жа» цун ткъамаш ду.