Духьаргашта юхера доазув техкача гуш да, моастагӀа гаьннара тӀавоагӀаш гургволаш айеннача моттигашка уж хьалъяьлга. ТӀумхой ор уллача моттиге латт Бишт. Таханарча дийнахьа цига я шиъ тӀема, цаӀ ах тӀема, ийс нах бахаш хинна гӀалаш. Иштта кхерах  баь, моастагӀчоа духьале еш хинна ши пен ба цига. ГӀибухен-Малхбоален оагӀорахьа кхеран яьшкех яь нах дӀабийхка моттиг я Биште.  Цхьайолча моттигашка шолха, кхолха латт уж. Букъ тӀа Ӏобийхкача наьха тӀехкаш яда яьшкашка, иштта гӀалкхаш, кӀодарч, мукхарч, кӀудалаш , кхыйола хӀамаш яда царна юхе. ДӀадахача бӀаьшерашка байнача наьха лаьттан кӀалхара  лаьттах Ӏочудаха малхара кашамаш да, цигара кӀеззига дӀаховаьлча. Гувний оагӀонашка кӀоаргга дӀачудаьха доахк цхьадараш, кхеран бӀоагӀилгашца белгалдаь. КӀоаргга дӀачуяьха моттигаш я царна  чухьнахьа. Семёнов Леонида, Крупнов Евгене, бейнача наьха из шахьар тохкаш, боккха болх дӀабихьа хиннаб.